Ang pakigdugtong sa katawhan usa ka hinungdanong aspeto sa epektibong pagpangalagad sa katawhan. Mao nga si Councilor Dongki Baler nagpadayon sa iyang misyon sa pagpaduol sa komunidad pinaagi sa iyang mainiton nga pagbisita sa Purok Manuang ug Mangga 2 sa Barangay Tubod.

Atol sa maong panagtagbo, mainitong gidawat si Councilor Baler sa mga residente nga nagpakita sa ilang suporta ug paglaum alang sa mas maayong kaugmaon. Nakiglamano siya sa mga lumulupyo, nagpaminaw sa ilang mga hagit ug panginahanglan, ug nagpahayag sa iyang determinasyon sa pagdala sa dekalidad nga serbisyo sa katawhan.

Ang iyang pagbisita usa ka timailhan sa iyang kinasingkasing nga pagserbisyo, diin iyang gihatagan og gibug-aton ang ilang mga panginahanglanon sama sa imprastraktura, panginabuhian, edukasyon, ug seguridad sa komunidad.

Usa sa mga nag-unang hilisgutan nga iyang gitutokan mao ang padayon nga paningkamot sa pagpalig-on sa seguridad ug kahapsay sa barangay. Sumala pa niya, ang kalinaw ug kahapsay mao ang sukaranan sa kalamboan, ug kinahanglan nga ang matag pamilya makatagamtam sa luwas ug limpiyong palibot. Sa iyang pagpakighinabi sa mga lider sa Purok Manuang ug Mangga 2, iyang gipahayag ang iyang tinguha nga ipalig-on ang mga programa batok sa droga, ug ipatuman ang mas lig-on nga polisiya aron maseguro nga malayo sa kadaot ang kabatan-onan.

Dugang pa, iyang gihatagan og pagtagad ang panginabuhian sa katawhan. Gituki sa maong panagtagbo ang posible nga mga livelihood programs nga makatabang sa mga residente sa ilang pang-adlaw-adlaw nga panginahanglan. Si Councilor Baler nagpakabana sa paghatag og suporta sa mga mag-uuma, mananagat, ug gagmay’ng negosyante pinaagi sa mga programa nga makahatag kanila og dugang kita.

Gawas sa ekonomikanhong aspeto, iyang gihatagan usab og bili ang edukasyon. Gituohan niya nga ang kalampusan sa usa ka lugar nag-agad sa maayong edukasyon ug maayong oportunidad alang sa kabatan-onan. Tungod niini, iyang gisuportahan ang mga programa nga makatabang sa pagpataas sa kalidad sa edukasyon sa barangay.

Ang pagbisita ni Councilor Dongki Baler sa Purok Manuang ug Mangga 2 nagpakita sa iyang kinasingkasing nga pagpangalagad ug pagkabana sa kaayohan sa iyang mga katawhan. Kini naghatag og kusog ug inspirasyon sa komunidad nga magtinabangay aron matuman ang ilang tinguha nga mahimong mas malamboon ug mas malinawon ang ilang barangay.

Sa padayon nga paningkamot sa United Iligan Party, si Councilor Dongki Baler mopadayon sa iyang misyon sa pagpakabana ug pagpaduol sa katawhan. Uban kita sa pagpalambo sa Bag-ong Iligan!

Uban Ta, sa Bag-ong Iligan!