Gisuportahan ko sa tibuok kasingkasing ang Iligan Vision 2050, ilabina ang programa nga nagtutok sa pagpalambo ug pagpalig-on sa sektor sa agrikultura ug pangisda. Ang atong mga mag-uuma ug mananagat maoy haligi sa atong lokal nga ekonomiya ug dakong tinubdan sa pagkaon sa komunidad. Aron masiguro ang ilang kalampusan, importante nga atong hatagan sila og teknikal nga suporta, edukasyon, akses sa pondo, ug merkado aron mapadayon ang ilang produktibong papel sa katilingban.
Ang sektor sa agrikultura ug pangisda usa sa mga nag-unang tinubdan sa panginabuhian sa daghang Iliganon. Gikinahanglan niini ang dugang nga suporta gikan sa lokal nga liderato aron mapaabot ang tinuod nga kalambuan. Sa pagtan-aw ko, kauban ang mga lider nga sama ni Mayor Roy Ga, usa sa mga lig-on nga musuporta sa Iligan Vision 2050, mas mapadali ug mas mapaabot nato ang mga programa ug solusyon nga makapauswag sa kinabuhi sa atong mga mag-uuma ug mananagat. Kini usa ka paningkamot nga nagkinahanglan ug kolaborasyon ug tinuod nga kadasig sa pagserbisyo.
Mga Lakang nga Atoang Ipatuman:
-
Pagtukod og Modernong Pasilidad – Magtukod og cold storage facilities, drying stations, ug fish processing centers aron mapadali ug mapauswag ang pagpreserba ug pagbaligya sa mga produkto sa agrikultura ug pangisda.
-
Teknikal nga Edukasyon ug Pagsanay – Maghatag og libreng pagsanay sa mga mag-uuma ug mananagat bahin sa modernong pamaagi sa agrikultura, paggamit sa teknolohiya, ug sustainable farming ug fishing techniques.
-
Paghatag og Pundo ug Asistensya – Magpatuman og financial assistance ug zero-interest loan programs para sa mga negosyante sa agrikultura ug pangisda aron sila makapalit og makabag-ong ekipo ug makapalapad sa ilang produksyon.
-
Pag-abli sa Bag-ong Merkado – Palig-onon ang network sa mga lokal nga merkado ug suportahan ang farm-to-market road projects aron mapadali ang transportasyon sa mga produkto.
-
Proteksyon sa Natural nga Kabtangan – Magpatuman og mga polisiya nga nagaprotekta sa yuta, katubigan, ug natural resources aron mapadayon ang dugayng kinabuhi sa agrikultura ug pangisda.
Kauban ni Roy Ga, among gisuportahan ang Pagpalambo ug Pagpalig-on sa Agrikultura ug Pangisda– kay kung lig-on ang mag-uuma ug mananagat, lig-on ang Iligan! Kini ang among baruganan, ug kini ang among panata alang sa tinuod nga kalambuan sa atong dakbayan.