Ako si Dongki Baller, ug dako akong pagtuo nga ang kalambuan sa Iligan nagsugod sa kahapsay ug kalinaw. Mao kini ang rason nganong lig-on akong suporta sa unang haligi sa Iligan Vision 2050 ni Mayor Roy Ga—ang pagpahiuli sa peace and order ug pagwagtang sa droga sa atong syudad. Dili ta makauswag kung ang atong komunidad napuno sa kahadlok, krimen, ug bisyo. Kinahanglan nga magkahiusa kita sa pagpakgang niini, kay kung limpyo ang Iligan, daghang oportunidad ang moabot para sa atong mga pamilya ug kabatan-onan. Sa akong bahin, padayon kong ipasiugda ang sports development isip usa ka epektibong pamaagi aron mapahilayo ang atong kabatan-onan sa droga ug mapadayon ang ilang disiplina ug maayong panginabuhi.

"Nagatuo ako nga ang kalamboan sa dakbayan posible lamang kung luwas ug layo sa hulga sa kagubot ang katawhan. Dili kita mo sugot nga ang Iligan mahimong lungib sa kadaot ug kasakit. Sa pamuno ni Mayor Roy Ga, sugdan nato ang kausaban karon, palig-onon ang atong kampanya batok sa droga, ug siguruhon nga ang tanang Iliganon makasinati sa tinuod nga kahapsay ug kaharuhay."

Kini ang akong panumpa alang sa Iligan. Magkahiusa kita sa pagpangita og mas lig-on nga pamaagi aron mapanalipdan ang atong komunidad. Ang akong suporta anaa kang Mayor Roy Ga ug sa iyang tinguha nga ibalik ang Iligan nga atong gipanghambog—usa ka syudad nga limpyo, luwas, ug puno sa kasiguruhan alang sa tanang katawhan.

Uban Ta, sa Bag-ong Iligan!